| lyric | 1. 's cha uf der Welt nütz töllersch geh,
as do bim Vechli z’weide,
wett’s lieber no, as Rotsherr si:
seb chönnt mer so vertleide.
2. En Rotsherr mueß viel Omues ha,
’s cha menga dromm nüd trüene,
mueß dick mit Lüte z’prächte ha,
’s gieng ringer mit de Chüene.
3. Ond hemmer au ke Wy und Moscht,
e Milchli ischt gschwind gsotte,
und Gsöndersch get’s bim Sapermoscht
gad nüz, as frischi Schotte.
4. Wie ischt do nüd e reni Loft,
wie isch e montersch Singe,
wie kört me’s vo de Felsechloft
so liebli anachlinge. |