| lyric | 1. Bi go d’Mueter froge:
„Säg mer darf ig’s woge?
Ha scho lang es hübsches Meitli gärn,
hüür no zähmol lieber weder färn!
Seit sie: „sälber finde“,
seit sei: „sälber binde.
das isch brüchlig i der Meitliärn!“
2. Bi-n-im Wald zue gloffe,
hanig ’s Echo troffe:
„Echo hilf me, gib mer guete Rot.
As ig’s ändli weiss, wie’s mit mer stoht!“
Seit’s mer: „Gang frog ’s Meitli.“
Seit’s mer: „Aber weidli!
Oder sünsch isch’s wäger währli z’spot.“
3. Het der Gugger gschraue.
Froge: „Darf mer traue?
’s isch es Meitli und i weiss es nit.
Was’s mer, was’s mer für n’en Antwort gitt.“
Rüeft mer: „Guggu, Guggu!“
Rüeft mer: „Gang und frog du,
Aber lauf, sünsch grotet’s währli nit!“
4. Und so will og’s woge,
Will go’s Meitli froge.
Bis zum Hüsli, bis zum Türli bi-n-i cho.
Vor em Fänster bi-n-i glybe stoh.
Lueg dur d’Schybe weidli
G’sehn-i wohl mys Meitli –
Aber wäger – ’s isch scho Eine do! |