| lyric | 1. Du liebe Wiehnachtsängel du,
wie hämmer uf die planget,
wie simmer eusem Müetterli
am Scheubebändel ghanget:
„Wie lang goht’s ächt no bis dobe?
Wie mängisch müemmer schlofe?
Was bringt is ächt au s’Wienachtschind?
Es tuet is gwüss nid strofe.“
2. Und undereinisch isch es do,
voll Glanz wie d’Ängli chöme,
vill wyssi Cherzli het’s azündt
und’s Tischli deckt mit Chröme!
I dank der tusig, tusigmol,
für d’Sach-e-n all die süesse,
und säg denn, wenn d’i Himmel chunst,
i lös de Liebgott grüesse! |