| lyric | 1. E Spange im Muu, e Bröue im Gsicht,
Zöpfli u schlächt im Turnunterricht.
So mänge blöde Witz het si dann
über sich müesse la gah.
Uf em Schuelwäg isch si geng eleini cho
u geng we mir si höch hei gno,
het si die Gschicht verzellt vom graue Änteli
u was es de später isch gsi:
Ref.: E Schwan, si wiss wie Schnee,
vergässe was isch gscheh, yeah,
u d flügu trage si si wiit,
wöu s keni Gränze meh git.
E Schwan, si wiss wie Schnee,
vergässe was isch gscheh, yeah,
u d flügu trage si si wiit,
wöu s keni Gränze meh git
für dä Schwan so wiss wie Schnee.
2. Nach dr Schuel han i nümme vo re ghört,
das het mi de no mängisch gschtört.
I hätt ihre doch so gärn gseit,
das wo denn isch gscheh, das tuet mer leid.
U grad vo letscht, da hocki i re Beiz,
da seit e Stimm zu mir: „Sali, wei geits?“
Träie mi um u ha si fasch nümm kennt, wo si so vor mir steit,
chunnt s mer z Sinn, was si denn het gseit: |