| lyric | 1. i han es zündhälzli azündt und das het e flamme gäh
und i ha für d zigarette welle Füür vom hölzli näh
aber ds hölzli isch dervo gspickt und uf e teppich cho
und es het no fasch es loch i teppich gäh dervo
2. ja me weis was cha passiere we me nid ufpasst mit füür
und für d gluet ar zigaretet isch e teppich doch de z tüür
und vom teppich hätt o grus chönne ds füür i ds ganzi hus
und wär weis, was da nit alles no wär worde drus
3. s hätt e brand gäh im Quartierq unds hätte d füürwehr müesse cho
hätti ghornet i de strasse und dr schluuch vom wage gno
und sie hätte wasser gsprützt und das hätt de glych nüt gnützt
und die ganzi stadt hätt brönnt, es hätt se nüt meh gschützt
4. und d lüt wären umegsprunge i dr angscht um hab und guet
hätte gmeint s heig eine füür gleit, hätte ds sturmgwehr gno ir wuet
alls hätt brüelet: wär isch tschuld, ds ganzi land i eim tumult
dass me gschosse hätt uf d bundesrät am rednerpult
5. d uno hätt interveniert und d uno-gägner sofort o,
für ir schwyz dr fride z rette wäre beid mit panzer cho,
s hätt sech usdehnt nadisna uf europa, afrika,
s hätt e wältchrieg gäh und d mönscheit wär jitz nümme da
6. i han es zündhälzli azündt und das het e flamme gäh
und i ha für d zigarette welle füür vom hölzli näh
aber ds hölzli isch dervo gspickt und uf e teppich cho –
gottseidank daa is vom teppich wider furt ha gno |