| lyric | 1. Aber heidschi bumbeidschi, schlaf lange,
es is ja dein Muatter ausganga;
sie is ja ausganga und kimmt neamer hoam
und laßt das kloan Biabele ganz alloan!
Aber heidschi bumbeidschi bum bum,
aber heidschi bumbeidschi bum bum.
2. Aber heidschi bumbeidschi, schlaf siaße,
die Engelen lassn di griaßn!
Sie lassn di griaßn und lassn di fragn,
ob du in’ Himml spaziern willst fahrn.
3. Aber heidschi bumbeidschi, in’ Himmel,
da fahrt di a schneeweißer Schimml,
drauf sitzt a kloans Engei mit oaner Latern,
drein leicht’ von’ Himml der allerschenst Stern.
4. Der Heidschi bumbeidschi is kumma
und hat ma mein Biable mitgnumma;
er hat ma’s mitgnumma und hats neamer bracht,
drum winsch i mein’ Biaberl a recht guate Nacht!
___
1. Aba heidschi bumbeidschi schlaf lange,
der Wirt, der is lang schon fort gange.
Da stehn nur der Ochs, und die Esel schaut her,
drum schlaf jetzt und fürcht di gar nimmer mehr.
2. Aba heidschi bumbeidschi, schla siaße,
die Engerl, die lassen di griaße.
Sie lassn das Christkinderln griaßen und fragn,
ob’s möcht in dem Himmel spazieren fahrn.
3. Aba heischi bumbeidschi in Himmel,
da fahrt di a schneeweiße Schimmel.
Drauf sitzt a kloans Engerl mit oaner Latern,
drin leuchtet vom Himmel dir schönste Stern. |