| lyric | 1. Wo am Bärg die Matte grüene,
litt e Dörfli still und chli.
In de Bäume, in de Blueme
und e Bächli ruscht vorbi,
und e Gärtli bäbedra,
dört hani vor viele Johre,
allii mini Liebe gha.
2. Wenn im Früehlig d’Sunne lachet
isch’s als schin si dört ellei
und denn zieht’s mit tusig Fäde
mi zuem Dörfli wieder hei,
o wie isch’s an’s Herz mir gwachse
und es cha mer’s nieme neh,
sone Heimet wie dieselbi,
git es wohl e keini meh.
3. Einischt, womin furt bi gange
’s Glück mer z’sueche in der Welt,
denn erst hani gschpürt wie d’Heimet,
mehr no isch als Guet und Geld,
’s Dörfli chani nie vergesse
und die Lieb’ wird nie vergoh,
heim uf d’Bärge, heim uf d’Matte,
möcht i wandre hütte no. |