| lyric | 1. Quaid löet da ma naschentscha,
co m’impais a tai sovent,
a quels dis da beadentscha
da l’infanzia sainz’ astent.
Teis bels champs cun richa früa,
tia pizz’ e’l god verdaint,
ta stupenda pradaria,
tuots ils vez in meis immaint.
2. Vez la pitschna ma chasetta
cun sa stüva plain sulai
es in quella ma mammetta,
chi am quinta quai e tschai.
Cur as sdaisda la natüra,
fluors infittan pra e god,
cuor eu our sün la cuttüra
culs cumpagns e sagl e sot.
3. Regordanzas allegraivlas
da quels dis da spür plaschair,
vus imagnnas dalettaivlas,
ah, s’pudess eu ferm as tgnair.
Char löet da mi’ infanzia,
là in tai culs prüms amis,
in seraina regordanza
bram conclüder eir meis dis. |