| lyric | 1. Tschantà davant meis prümaran in s-chüra not sulet,
sur mai las cleras stailas fan lur cuorsa plan planet.
Non saint inguotta a flippir co l’En nel fuond d’la val,
non vez intuorn co a glüschir la pizza da cristal.
2. La glüna uoss’ vain sü cul cho davo il grand vadret,
am guarda tais: O di’^m ün pò, est tü be sul sulet?
Qua brilla sü da meis löet ün cler d’im fa güvlar,
’na glüm, chi arda suot ün tet chi m’ais tant char.
3. E sü vers mai plain sentimaint ün ögl eu vez glüschir,
am salüdand d’amur cuntaint, e chi am para dir:
Eu sun pro tai, tü est pro mai, mi’ orma, meis dalet,
da s-chüra not, da cler sulai nun est mai sul sulet. |