| lyric | 1. Tuornadas sun las randolinas
in lur vegl gniou sü suot il tet,
il tscharescher hoz sas manzinas
cun fluors räsadas envernet.
Da crap in crap siglind l’uaul,
a tuots l’allegra nouva dà
e l’eco clama tras la val:
prümavaira uoss’ es qua!
2. Suot il sulai chi chod splendura
a nouva vita tuorn’ il muond.
In tuota pumpa la cuttüra
our da la sön vain as dasdond.
As tgnand zoppà in mez al verd,
il cuc as fet udir fingià.
Tadlai, seis chant disch sgür e tschert:
*La prümavaira uoss’ es qua!“
3. Uoss’ invlidai led e tristezza
dal sul inviern ils greivs pissers;
mai ha per tuots üne charezza
e’ls cours as saintan plü ligers.
Minchün dess s’allegrar,
cuntaint cha’l lung inviern es passantà.
Umans, giodai il cuort mumaint:
„La prümavaira uoss’ es qua!“ |