| lyric | 1. Gsesch dr Gitschä wiä-n är strahlet!
Mäintsch dü gryyfsch-nä mit dr Hand.
D Gräät gsehnt üs wie süüber gmaalet:
Ürner Bärg im Sunntig-Gwand!
D Chind sind wild, diä Altä hässig,
niämer fraagt lang nach em Grund.
D Ürner tunkt das nimmä gschpässig
Jedä tänkt: Ohä, är chunt!
2. Pletzli schletzt im Hüüs ä Tiärä:
Päng! Hesch gheert? Ich bi de da!
Nimm dr Sunntighüät nit fiirä,
müäschnä doch nur widerha.
Gasch uf d Strass, müäsch di poschtiärä,
dass s di nit grad z Boodä schlaat.
Nu, was wottsch dr Chopf üfriärä.
Chasch nyt machä, weisch är gaht!
3. Ersch, wennd Ziägel chemet z troolä
und wenn s Windbrich git im Wald,
wenn äs Tag und Nacht tüät joolä,
Hyyser brächet vor der Gwalt,
de gheersch äü dr Ürner chlaagä:
Woll, das wär mer jetz nu scheen;
settsch nä chennä wyt verjaagä,
yysrä chäibä Lumpä-Feehn! |