| lyric | 1. I kenne es Bäumli, das glitzert so nett;
me stellt’s z’Nacht ins Stübli, wenn alles im Bett.
Kei Bäumli im Garte gseht herziger us,
und Freud bringt es alle und Jubel ins Hus.
2. J kenne es Chindli, so chli und so zart,
das lit in der Krippe in Windle verwahrt.
Und über dem Chindli hei d’Engeli Wacht;
sie hüete’s gar treuli bi Tag und bi Nacht.
3. J kenne es Liedli, das tönet so schön,
vo Friede uf Erde, vo Engelsgetön.
Das Liedli verschücht mer mi Sorg und mi Schmerz!
Es bringt mir jo wieder der Friede ins Herz. |