| lyric | 1. Jeu stundel silla gonda
e parel de semiar,
admirel la natira
che va a ruassar.
E co la glina tschercla
la pézza en splendur,
e co il paster tiba,
ch’ei tun’ e dat sinzur.
2. E pli migeivel tunan
las auas tras las vals,
e sco en sien sgarguglian
las péllas dils uals.
E co la glina tschercla
la pezza cun splendur,
e co il paster tiba,
ch’ei tun’ e dat sinzur.
3. Strusch tscharn’ jeu la vallada
e mia casa pli,
da neblas e brentinas
ein ei curcladas vi.
Mi par’ ei sco sch’in aunghel sgulass
bufatg dagl ault,
e sco sche melodias
tunassen tras gl’uaul. |