| lyric | 1. Lüäg ai wiä scheen myys Derfli lyt
am griänä Ürnersee.
Dü chasch miär zäigä, was dü witt,
äs git nyd Scheenres z gseh.
Im Langgsi singt dur d Chriäsibäim
dr Feehn äs üüralts Liäd.
Dyys Härz laift wiä dur siibä Träim
und wird käis bitzli miäd.
2. Lüäg ai wiä scheen myys Derfli lyt
a, liäbä Ürnersee.
Isch d Wält au ryych und mächtig wyt,
gasch furt, so tüäts diär weh.
I dyynä Träimä rüäht dr See,
du ghöeersch ä Glogge schlaa,
und dü verlyydsch käi Fremdi meh.
Dü müäsch i d Häimet gah!
3. Lüäg ai wiä scheen myy Chilä staht
am liäbä Ürnersee.
Styyg üs, wenn s Schiff bim STäg züä staht,
dü müäsch das Derfli gseh.
Styyg üs und blyyb äs bitzli stah,
und tüät diär näiwis weh,
so müäsch dyys Härz halt ghirmä laa,
bi yys am Ürnersee. |