| lyric | Dr Lanzig hanged i dr Luft,
Jetz chani nümme beite.
Es spilt im Härz ä Gyger uf
Uf sibehundert Saite.
I han im Chopf äs Vogelnäst;
Tuet Tag und Nacht dri singe.
Drum wili hüt ä Juzer lo,
Sä tuet’s mer einist ringe.
Großmuetter, säged was r wend,
Hüt goht me eis i d’Maitli!
I wüßt scho lang äs Schatzichind,
’s chämt schöin im Hochsigchleidli.
Äs Rystetschüüple zitt’red lang
Scho no me Hochsigchränzli.
Au laufft äs Füeßli neimewo,
Tät gäre ’s Hochsigtänzli. |