| lyric | 1. Was schießt es i de Bärge so?
Ischt öcht e Chünig düre cho,
daß sie so haseliere?
’s mueß ömel neuis großes sy!
Was mag ächt da passiere?
Ju heija, im Meiie, tandaradei!
2. Ja wohl ist das e große Herr!
Der Ustig chunnt mit Macht und Ehr,
drum geit’s so anes Schieße.
Vor Freude singt’s Land uf und ab,
alls tuet ne fründlich grüeße.
Ju heija, im Meiie, tandaradei!
3. U-n-alli Vögel, jung u-n-alt,
tüe jez i Fäld u Hag u Wald
dem Ustig z’Ehre singe.
Warum? er bringt, weisch’s öppenit?
Em jedere es Schätzeli mit;
Ju heija, im Meiie, tandaradei!
4. Säg Ustig, los mer grad e chly!
Du luegscht so z’volem fründlig dry,
i bi gäng no alleini!
U hät doch gärn scho längste-n o
e Jumpfere i d’Arme gno.
Bringscht mir de ächt e Keini? |