| lyric | Mys Liedli, säg, wo witt au hi?
Dur’s Schwyzerländli us und i,
Zue guetufgleite Lüte.
’s wird wohl äs Schybli umeha,
Und öppen äs blos Äugli dra,
Wo üsereim cha düte.
Wil au zue’s Nochbers Bethli goh.
Äs breigged und äs sinnt ehm no.
Vilichter chan is tröiste.
J wil dur’s Land vo Hus zue Hus.
I stäuke d’Surimugge drus;
Vil chly, wän nüd die gröißte.
J goh um d’Chind um grüene Rai;
Zuem Müetterli, wo no sym Mai
Verlist die alte Zyte.
J zieh raiuf, i zieh raiab;
Au öppe uf ne’s Bättlergrab,
Äs Finkli a dr Syte.
Wett gäre au i d'Wyti furt,
Wär nüd ums Schwyzerbiet ä Gurt,
Ä Mur für myni Fäkli.
Si täted mi det chuum verstoh;
Und ’s tuet mer’s, chani hie umgoh
Äs wien äs Sunnefläkli.
Macht d’Sunne ännevür am Gmür
Äsiä äs helleschlündigs Füür,
Ä Gsang dur d’Wält dr Fahne,
Mys Lied, wän’s mit dr Lärch ufstoht,
Cha’s au vom Bärg wie’s Oberot,
Fryteuff goh und wytane. |