| lyric | Dur d'Äbni grueneds was's verlyt.
D’Wält blüemt si wien ös Pfeisterbritt.
He, hät dr Lanzig gsait, ’s ist Zyt!
Und chehrt dr schneewyß Flade.
Jetz, meini, rohdt me ’s Fäkli eis!
Glyeinist goht’s uf d’Hochsigreis
Sälbander ume Gade.
Wer stoht jetz i der Gadetür,
Und räukt äs wien äs Alllmedfüür?
Mein d’Härzli wärded billig hür.
’s Marieli git’s fürsustig.
Heijuppedihee, im Flug um d’Schür!
Und ussevür und innevür
Goht’s wider einist lustig. |