| lyric | Jetz wil dr Lanzig widercho.
Wie hät dr Föihn üb’rei äs GRum!
Eis Bächli lauft im andre no
Und sait: Mer wend i d’Frömdi, chum!
Au ’s Schnäggli tuet sys Türli uf:
Seh, beitet nu, i chume mit!
Nei, bhüetiß, du häst z’churze Schnuf,
Meint ’s Spätzli uf em Pfeisterbritt.
He, ’s merkt halt jeders Fäkli hür,
Hat ’s Muettergottestierli gsait,
Wän uße nüd, su innevür!
Hat ’s tupfed Rökli vone trait. |