| lyric | Und gester isches Joggi gsy,
Sen isches Annä hüt.
Und ’s Chlosters Heued ist verby
Und mit em d’Bluemezyt.
D’Fyfälterli gönd höich i d’Lüft.
Si wend dr Schunggus tue.
Wemm’s nu äs Summerfreudli trifft,
Tuet gschyd, är tüeg derzue.
Äs hät mer syni Bäggli hüt
J d’Armme inegleit.
Es ist er gsy, i heig durs Gstüüd
Ä Arfle Rose trait.
Und git’s au Röisli z’bännewys,
Äs jeders hät sy Schy,
Und helst sys eigi Parädys
Voll süeßi Freudli dri. |