| lyric | 's Tagwärch ist üb're und verby.
Mer wend äs Schöppli trinke!
Und wüsed’r ä guete Wy,
Se tüemmer fröihli winke.
I mein, äs Glesli oder zwei,
Äleinig oder z’Füfe, –
Bringt eim a Freude allerlei.
Glych Guete sött r sy. My Gu
Ist halt äs Bitzli schwirig.
Sött mild sy uß, Schatz wie du ,
Vo inne wie du füürig.
Au sött’s äs Näbeli dri ha.
Voll Chilbimusikante,
Wo gleitig länd ä Gstobne a.
Und us em Näbeli sött cho
Ä Allmed volle Maie.
Und sötted Gschichtli druf umgoh,
Ä ganze Ringelreihe.
Und wirted r ä söle Wy,
Se lömmi nüd lang beite.
Mit use Tätsch und schänked i! |