| lyric | Redli, Redli gumpp und tanz!
’s ist voruße heiterglanz,
D’Buebe chönd cho braige.
Öb’s nu ghöürig nachtid hüt,
Hangid s’ scho am Pfeisterbritt,
Wien äs Chüti Flaige.
Hangid s’ a dr Stägebrugg,
Wien ä Imd im Hochsigflug.
Wärid gäre dinne.
Ätti wott s’ nid inela;
Müeß zerst sibe Hämli ha.
Söll nu weidli spinne.
Redli,Redli, gumpp und tanz!
Duße staht dr KArlifranz
Mid em Schwäbelpfyffli.
Chan all Gaierle und Tänz,
Ist au sust voll Sprüng und Pfläntz,
WIen äs Wäberschiffli.
Ejä, wär r au my MA!
Plange lang ufs Hochsigha,
Är ist gar fragfraite.
Wän’s a ihm nu nid verleidt!
Said, äs gang ä Ebigkeit,
Mög mi nid erbeite.
Redli, Redli gumpp und tanz!
’s ost voruße heiterglanz;
D’Buebe sind ums Mürli.
Mäni sibe Hämli ha
Müënd allsäme Rigel la
Bis is Guggehürli. |