| lyric | 1. Und ä Chrattä voll Chriäsi, und ä Plattä voll Schnitz.
Dü wärsch gärn ä Braavä, doch glinggts dr käi Bitz.
Dü wwettsch ja so gäärä-n ä Häiligä syy,
aber ja nu nit morn, aber ja nu nit z glaa.
2. Dü wärisch so gäärä so schlank wiä-n äs Reh,
will jeedä dys Ränzli vo wytem cha gseh.
Dü schweersch: jetzt wird gfaschtet und turnet dr byy,
aber ja nu nit morn, aber ja nu nit z glaa.
3. Dü wettisch so gäärä-n äs Fräüwäli ha,
und dänksch: ich wär gwiss doch ä gmeegigä Ma.
Wiä scheen wär s, so glciklich verhyyraatet z syy,
aber ja nu nit morn, aber ja nu nit z glaa.
4. Du wettisch so gäärä-n i Hiimel de cho,
und Gloria z singä, das miächt dich so froh.
Dü wettisch so gäärä-n äs Ängäli syy,
aber ja nu nit morn, aber ja nu nit z glaa. |