| lyric | Die schöine Täg nend überhand,
Und d’Vögel tüend wie vom Verstand
Und d’Lüt tüend au nüd gschyder.
O Wält, du herrlis Narreland!
Jetz gfallst mer ehnder wider,
As wänn d’Lü¨t muused umenand,
Äs wie politisch Schnyder.
Schatz, füll’ mer’s Glesli bis a Rand!
Gottlob, mys Hus stoht nüd uf Sand,
’s gygampfed i dä Lüfte.
Und ärgered ander ’s Faterland
Mit Rede und mit Schrifte,
Ich pfyffen eis am Waldwägrand,
Und loh mi nüd vergifte.
Un bin-i halt ä Fahrisland,
Se lyt’s bigost am Pfyfferstand
Und a dä frische Rose,
Doch dräuht äs Schadefüür im Land
Und schloffed d’Eidgenosse,
Gly han i ’s Pfyffli bi dr Hand
Und Tagwacht willi gblose. |