| lyric | Binsan, cun vusch cuntschainta
Salüda l’En tras t’ôta pasch
tschögnand cassü, il god s’movainta:
„Vé pür ami, es sà i tasch!“
Il piz salüda vidvart l’aua
i la baselgia be dastrusch,
fin in la luntananza blaua,
da tuot las chosas vain’ na vusch.
Vusch ch’eu cugnuosch e chi’m es chara,
daspö ma prüma juventüm,
o Patria, eu nu’t di l’amara,
dalöntsch da tai, aspra suldüm.
Mo’l lung giavüsch hoz as cumpliva,
pro tai eu tuorn a posar,
our, tü l^stangel darché ravia,
dà forz’ al corp i spranz al cour. |