| lyric | 1. O wemmer nu wüßted, wie alles no chäm,
so hätt mes im Lebe doch schüli bequem!
Gar mänge mueß froge: Stoh alls a sim Platz?
Ist das ächt en Käuel oder isch es e Chatz?
2. Und d’Maitli wie d’Chnabe händ wunderlich Glüst.
Im Gheime tüends chlage: Ach wemmers nu wüßt!
Statt eim liebi Wörtli, verbrecheds en Satz,
de Fink lönds lo flüge und bhaltet de Spatz.
3. Wohl alli sind einig: s’lauft viel umenand
mit riesige Meinig und chlinem Verstand.
Drum dörf di wohl prüefe, du herzige Fratz:
Bist du ächt en Grüsel oder gist du min Schatz? |