| lyric | Äh, wän's au äntli Sunntig wär!
Ä Juzer wetti tue.
Äs chnüt im Bänkli vor em Chor
Bi syner Muetter zue.
Durs Pfeister güggled d’Sunne schwelbs
Am sant Maritz verby,
Und leit im Chind i d’Chrüseli
Ä schöine Helgeschy.
Äs lost is Pfarrers Predi ab;
Äs lost und tuet kei Schnuf.
Äs list die ganzusländig Mäß.
Nüd einist luegti’s uf.
O wäni au sys Büechli wär,
Wo sövel Blettli trait,
Wo ’s Fingerlii jeddwedres netzt,
Bivors äs umeleit.
Am Sunntig wil is einist tue,
Und wil mi zämemäh,
Und wän’s no Chiles usegoht
’s Wychwasser wil em gä.
Und wä mer dä das Fingerli,
’s Wychwasser doch abninnt,
Se bringi geüß au ’s Ringli dra,
Wo’s ebig a mi bindt. |