| lyric | 's Waldfinkli hät zuem Lärchli gsait:
Flüg uf, es fot atage!
’s Chriesbäumli trait scho ’s Sunntigchleid.
Und stoht keis Stüüdeli dur d’Weid,
Wo nüd äs blüemlets Rökli trait.
Jo, sait due ’s Lärchli, ha’s au gseh.
Es ist mer, ’s tüeg scho räuke
Det obe ume ebig Schnee.
Und beindled nüd, äs wien äs Reh,
’s Marieli dure Guggerchlee?
Jä allwäggwü∂, hät ’s Finkli gsait,
Mi kännts’ am rote Bäggli.
Und ’s lächled, mein ’s ist guet ufgleit.
Und ’s stopht keis Blüemli i dr Weid,
Wo ase fromm sys Tschüüppli trait.
Lue, ’s Lärchli ist scho nümme do.
Äs juzt eis i dä Lüfte.
Und ’s FInkli stoht und luegt em no:_
Nei, gshend r nüd wie höich isch scho!
Äs köirt gwüß d’Himelstüre goh. |