| lyric | Was mueßt dän au gwahre,
Är streichled ’s Bethlis Gsicht;
Verehrt em gar äs Blüemli,
Das hießt: Vergißmeinnicht.
O Ma, was häst versproche,
Und bschore am Altor?
Jetz drukst mer scho äs Chränzli
Vo Döire i mys Hoor.
O wäri wider ’s Göifli
Am Sunntignumittag,
Wo tökled uf dä Gregre
Und d’Nägeli zerrt ab.
O chöti zue dr Muetter
Is Stubeli heigoh!
O chötre über d’Milchstroß
I Himeo ufe no.
Keis Füchsli hät’s eländer,
Wo d’Winternacht usbällt.
Äh, lyti undrem Bode
Und uf mer id eganz Wält!
Si chöt mi nüd meh druke,
Und wär drob zue ’s letzt Gricht,
Und köirti grad my Name,
As das Vergißmeinnicht. |