| lyric | Wer wattled det im Gygytzmöisli?
’s Riethärli isch, ’s barbeinig Röisli.
Was stoht äs dä am Gunterrändli?
Äs gschaut sy chrydewyße Zähndli.
Was hät’s sä füürzündroti Bäggli?
Äs schämt si vor em Heidelschnäggli.
Was stoch’reds au im schwarze Güntli?
Äs suecht äs chrydewyßes Chindli.
Was lauft’s dervo und macht äs Göschli?
Es pringt em no, äs gradgrüens Fröschli.
Jetz hökled’s det ufs Brunnetröigli,
Und macht äs schwarzes Chriesiäugli. |