| lyric | Hät ’s Gspüsli ’s Ringli a dr Hand,
Vertlauft’s dr nümme wyt.
’s hangt a dr, wie ’s Zyt a dr Wand,
Wie ’s Guggerli im Zyt.
Dä ghalt dym Wybli ’s Bäggli rot!
Gang’s öppe sust wie’s well.
Wird ’s Läbe dir zuem ruche Schrot,
Äs lyt dri wien ä Quell.
Und söttist öppe dunne sy,
Dänk a die Quell am Wäg!
Es hät det Gnadewaser dri;
Das macht di wider zwäg.
Und lueg jo, as kei Stei dri kyt!
As ’s Wasser rüebig blybt!
Wer weißt , öb’s nüd ä Wildbach git,
Und wo ’s ä dä hitrybt.
Dys Wybli ist äs wien ä Quell,
Wo Röiseli drum stönd.
Und wo si gäre d’Freud und s’Gfell
Driine spiegle wend.
Wo dir dys Göiflis Helgli lyt,
Sys läbig Äugli au,
Wie i dr Ros am Pfeisterbritt
Äs heimlis Tröpfli Tau.
Und wo dir ’s Göiflis Seel umgoht,
Wie im Taufstei ä Strahl,
Und wo sä si wie d’Lieder rohdt
I’r junge Nachtigal. |