| lyric | 1. Im Bärnerland, wie het mes da?
Mi trappet chäch sy Wäg voraa
Und macht kei grossi Lärme.
Bärguuf, bärgab, ’s isch einerlei,
Gäng hüh, und ändtlig chunnt me hei,
Wohl unter Dach und Schärme!
Dürane heißt es nid für nüt:
Die Bärnerlüt sy zäji Lüt,
Sie wüsse, was sie chöi,
Und zwänges, was sei wei!
2. Im Bärnerland, wie het mes da?
Es stellt e jede stramm de Ma,
Und geits ihm bös im Läbe,
De wehrt er si, so lang er cha,
Er laht sie nid la z’Schande ga
Un nüt ar Houe chläbe!
3. Im Bärnerland, wie het mes da?
Mithine muess me zäme stah
Für grossi Fueder z’lade!
Henu, de steit me frävli y
Und setzt sy Ehr und ds Läbe dry
Und spannet Arm und Wade! |