| lyric | 1. Suldo ni betg suldo,
me stò la patri’ aveir.
Sun oz anc nia ludo
dagl losch Major pirveir.
Hali, halo, va bagn gianto.
Suldad’ è buna gliout.
2. Tgavals am levigl dar
Lasch chels agl commandant.
Infanteris less star
E mitragler dantant.
Hali, halo, va bagn gianto.
Suldad’ è buna gliout.
3. An grisch va parado
Cun sabel e tschaco;
Sen plazza nia grado
Cun gross cardun zaco.
Hali, halo, va bagn gianto.
Suldad’ è buna gliout.
4. An gehrra stat igl mond,
An privel nos sulom.
Cò dovr’ins me conzont.
Sun prompt segl nobel clom.
Hali, halo, va bagn gianto.
Suldad’ è buna gliout.
5. An fatsch’agl inimei
Ma dost scu en liun.
Strocl man agl tger amei:
„Stò bagn, te campiun“.
Hali, halo, va bagn gianto.
Suldad’ è buna gliout.
6. A terra grev blesso.
Vous tgers ia sun tschesso.
Victoria saint sunar.
Hali, halo, va bagn gianto.
Suldad’ è buna gliout. |