| lyric | 's Suuserlied! 's isch Suuserziit!
Das wimslet i de Räbe!
Das singt de volle Stöcke na:
Mir wärdid au e Jahrgang ha
und öppis dra erläbe!
's Suuserlied! 's isch Suuserziit!
Es chroset i de Trotte.
Es ruuschet scho i d’Stande-n-ie.
Es wott ein schier drinabezieh,
i Wiise-n-und i Rote.
's Suuserlied! 's isch Suuserziit!
Los nur, es fahd de choche!
Und rüücht’s i d’Chöpf de-n-au e chlii,
mir schänkid no-n-e Liter i,
seig’s g’haue-n-oder g’stoche.
O Jugendziit! O Jugendziit!
Bisch wie-n-e guete Suuser.
Du muesch emal rächt triebe ha
und alli Wildi use la!
so gis’d e g’freuti Läbtig. |