| lyric | Wisch nu wo mir z'Goldau im Schutt
Goh Beeri sueche sind?
Bi gsy ä wilde große Bueb,
Und du äs großes Chind.
Lueg au wie ryff! Häst g’juchzed lut,
Lueg au wie ryff und süeß!
Bist umegfäked wien ä Tub
Im immergrüene Mies.
Und mir äleinig i dem Schutt.
Lueg au, wie süeß, wie ryff!
Det! Gwahrst dr Spärbel ob is zue?
Hät där ä wilde Pfiff!
Singvögel, häst grüest, gschwind, gschwind
Verbärged i im Gstüüd!
Det singt doch nu äs Vögeli,
Du dumms, kännst d’Spärbel nüd?
Mys Bluet ist gsy wies ’s Meer im Sturm,
Hett’ dich driabe gschränzt,
Hett’ nüd dy rüebig Augestärn
Uf alle Wälle glänzt. |