| lyric | 1. Vorem Fänschter i der Sunne
isch es luuters Füür errunne
Glüejig rot, du stuunischs a,
möchtisch d Seel drinnnen ha
I däm füürig rote Schärme
cha si sHärz und alls erwärme.
2. Graniumwunder i der Sunne,
mit dem schönschte Traum verspunne,
Fänschter y und Fänschter us,
chlyne Himmel jedem Huus!
Frauehänd hei dSchössli zoge
undrem alte Laubeboge.
3. Graniumfänschter, Graniumwunder!
Fraueliebi chymet drunder.
S wird es eiges Lüüchte druus;
Fraueliebi wäbt im Huus:
Bis zum Fänschter i der Sunne
isch es Fätzli Himmel gspunne. |