| lyric | 1. O, Buechibärg, du stilli Wält
mit dyne dunkle Wälder!
Sie wien es Meitschi suuber gstrählt
si dyni wyte Fälder.
O, Buechibärg, du gsägnets Land,
gib Chraft em chäche Buurestand.
2. O, Buechibärg, e Mönscheschlag
hesch du so gsund und eige!
Me nützt e jede gschänkte Tag
und Freud, die darf me zeige.
Me nützt der Tag, die gueti Zyt
wyl s Schaffe eim am Härze lyt.
3. O, Buechibärg, du liebi Wält,
der Sundig macht di z’lache!
Hüt isch dys Völchli putzt und gstrält
und zwäg zum Fyrtig mache.
Der Herrgott grüesst im Gloggeglüt
der Buechibärg und syni Lüt. |