| lyric | Schwarzi Wolke züchid uf
d’Löft si fönd a stritte
welle zäget ächt me Schnuf?
welle muess of d’Sitte?
he ond her ziehnds keien gwünnt,
bis es nass vom Himmel rünnt.
Blätter tanzed dör de Wind
vo de gross Bueche
alli Tierli sönd dromm gschwind
Schutz und Schirm am sueche
au am Vech isch’s nomme g’hür
dromm stohts zeme bi de Schür.
Blitz und Donner gend sich d’Hand
lönds mit Gwalte chrache
zöndet Zeiche öberm Land
wenn ös z’förche mache
Au es Wetter goht verbi
ewig chas nüm dunkel sii. |