| lyric | No ruuschet i de Bäume
der Wind sys alte Lied.
No ruuschet froh mys Bächli
durs Rainli ab is Ried.
Du liebi Zyt, i blybe stoh
und träume allem Schöne noh.
No chöme d’Schwälbli z’flüge
im Früehlig übers Meer.
Deheime undrem Dächli
do blybt kesi Näschtli leer.
Du liebi Zyt, s’isch alls no do,
wie-n-igs as Chind ha übercho.
No lauft im Dorf der Brunne,
er choslet wie vor Zyt.
Andächtig tue-n-i lose
was i sym Ruusche lyt:
Sys alte Lied, i has vernoh,
i nimm es mit im Wytresgoh. |