| lyric | 1. De Früehlig isch ja scho lang verbi,
un dsummer isch worde im Land.
Gäll, Schätzli, jetz chunnt dänn d’Chilbi
ja gli und mir zwei gönd mitenand;
und murret der Aetti, so chehr di nüd dra,
die Alte händs früehner grad au e so gha.
2. Jischt d’Wuche au lang und d’Arbet schwer,
vergässe häscht alles so gschwind.
Juhe! Wann nu morn scho die Chilbi wär,
dänn gsäch i mis herzig lieb Chind.
Und tuet mer vom Schaffe deRigge so weh,
am Sunntig bim Tanze, do gspüri nüt meh.
3. Mir stampfed, juchsed und schwinged ringsum!
He Giger, was hörsch dänn scho uf?
Jischt d’Chilbi scho dure? Das isch taber dumm!
Heja, det gaht d’Sunne scho uf.
Chum Meitli, i säg der no öppis is Ohr:
du bist mi slieb Wibli gwüß überem Johr. |