| lyric | Ha n-e-mol es Sprüchli ghört,
,s tönt mer i de-n-Ohre,
wo mer’s Müeti gsunge het,
vor vile, vile Johre,
e Zauberspruch,
vor vile, vile Johre.
Bi uf d’Steinli gfalle,
ha n-e Büüle gha,
bi zum Müeti gange,
het ’n-es Sprüchli gha,
wo mer alli Büüle banne cha:
„Heile, heile Säge,
drei Tag Räge,
drei Tag Schnee,
’s im Büebli nümme weh!“
’s Müeti ha-n-i nümme meh,
’s Sprüchli isch mer bliebe:
ha schon mängi Büüle gha,
hätt se gärn vertriebe! |