| lyric | 1. Jetz lue, wie schön der See do lyt,
u d’Himmelsbläui widergit.
Es lauft fascht alles inenand,
doch dert, wyt furt isch no es Band,
e Schtrich vo zartem Dunkelblau
u drüber lüüchtet’s silbergrau.
2. Gsehsch dert die Schwän, si göh uf d’Reis,
u Chly u Gross im grade Gleis!
Der Gröscht, dä ruedret schtolz vora,
’s ischt ou der Schönscht, me muess ehm’s la.
E Wyde bückt sich tief im See.
Isch’s Ytelkeit, sich sälber z’gseh?
3. Es schiffli fahrt mit junge Lüt,
mit Singu Sang, ’s isch Sunndig hüt!
Es schtrahlet alls vor Übermuet
mit Früehligsblueme uf em Huet.
Am liebschte möcht i ou grad mit
is blaue Land, dert wyt. |