| lyric | 1. Häscht scho vo miner Heimat g'hört?
Det chasch di no verwile.
Wänn ringsum dich de Lärme stürt
dänn gang zu eus’re Chile.
Bin’ Friedhof-Linde rueht sich’s guet,
es triebet Bluest und Chnöpsli
und wänn mer eus begrabe tuet,
dänn hänkets trurig Chöpfli.
2. Du ufe luegt en blaue See,
chascht wit i d’Berge g’schaue.
Sie grüßed mit em ew’ge Schnee
zu eus’re gruene Aue.
S’hätt herrli schöni Sunneblätz
am Bergeshang det obe.
Im Winter aber chunts wie lätz
cho stürme und cho tobe.
3. Und frögist dene Lüte na
so chan der’s fröhli säge:
es chunt der jede Schwizermaa
mit „Grüeß du Gott“ entgäge.
Drum wer vo miner Heimet ghört,
decha si’s Herz verlüre,
wänn’s Chüerglüt dur d’Matte tönt,
dänn tuet mer ’s Heiweh g’spüre. |