| lyric | 1. Nossa Brüna sül pantun
ans da lat be a tanfun,
as cuntainta be da fain,
ma’l prasepan voul ’la plain,
uschigliö ans fa ’la gnir pel d’giallina
cun mügir mu, mu,m u,
pel d’giallina cun mügir.
2. Furtünin ha nom nos vdè,
quel es leger, schilafè,
fa rupets pel son intuorn,
cha a vair as avin bod stuorn,
e cur cha nos bap ha muns,
guarda’l nan e fa ögliuns:
mö, mö, mö, mö,
guarda’l nan e fa ögliuns.
3. Nos bun Pepi, il chavagl,
es in pè già mamvagl,
maina grascha our’ sül prà,
chargians d’fain aint il tablà,
ma sch’el ha’l prasepan vöd,
s’fa’l dudir in seis möd:
brr, brr, brr, brr, brr,
s’fa’l dudir in seis möd.
4. Aint il son in ün chantun
giascha il plü grond suos-chun
dorm’ e grofla tuotta di,
stais e lung per il fuond vi,
alura vi pro’l bügl
a magliar seis bun pastrügl.
mm, mm, mm, mm,
a magliar seis bun pastrügl. |