| lyric | 1. Die letschte Bletter si cho z flüge,
ir Wirtschaft hets scho Militär
und mi Kaländer müessti lüge,
wenn s no nod Winter wär.
2. Dr Schnee macht Forme und Strukture,
e Farb hätt keine Chance meh
und jede Schueh leit sni Spure
mit Nachdruck tief i Schnee.
3. I goh de Trämp noh über Weide,
wo ein vor mir het hinterloh.
S si d Schritt, wo d Mönsche unterscheide,
dä do isch mängisch blibe stoh.
4. Isch är äch eifach go spaziere,
e tröimerischi Frohnatur,
wo für sich tuet philosophiere
uns sech beschrybt i nere Spur.
5. Und während ig jetzt irgendnöime,
vermuete, s chönnt es Aendi sy
und anstatt z dänke scho fasch tröime,
merki, dass eigni Trämp si gsi. |