| lyric | 1. Göiht nit verby a eusem Gäu,
wenn mir au keini Störch me hei.
Am Flüslli hei si d Strücher grüttet
und alli Wydechrümp verschüttet
und im Kanal ischs Wasser dünn
und Fisch und Frösch si nümme drin.
Der für si d Aecher jetz voll Chorn
vom Bächburgschloss bis wyt zum Born.
2. Der Jura läh mer scho lo stoh,
mir hei nem zwor viel Baustei gno.
Me gseht am gääle Felsestei,
wie Sunnestrahle blände chöi.
Der letscht Bär hei si lang scho gschosse
und d Tanneschluchte wägerschlosse.
So halte mir eus au a d Zyt
und mänge bringts bim Gschäfte wyt. |