| lyric | 1. Il Segner grazi' a nus uss fetschi,
nus tuts el vegli benedir.
La fatscha sia splendureschi
cun sia glisch per nus fermir.
Muossi nus via dalla veglia sia
a siu beinplascher.
Vesi mintga pievel, ch’el da mal
e prighel ei spindrader ver.
2. Perquei tut las naziuns s’uneschien
per tei, o Segner, celebrar.
E las raspadas giubileschien,
mirond il grond tiu operar.
Ti’ei la giustia. Ed adin’ei tia
sontgadad sur nus.
Mo sur nus sin tiara cun pazienzia biara
regias ti grazius.
3. La tiara dat raccolta buna,
vulend nus onn per onn legrar.
Il Segner maina nus banduna.
Pren mira, ton el tegn nus car.
El nus sadulescha e nus benedescha,
salva nus pucconts.
Laud a Deus nus deien, ad el engrazieien,
o nus nunvengonzs! |