| lyric | Fo’m inamurer infina cha tü voust,
Cha tü stoust gnir mia,: scha Dieu’t volv’il cour.
Scha Dieu’t volv’il cour, schi sajast pür cuntainta,
Ch’eau e tü insembel,: possans signer aint.
Possans signer aint ed eir insembel ster,
Quellas melas laungias: chi haun taunt miss mel.
Chi haun taunt miss mel intraunter da nus duos‚
Fintaunt cha eirans: auncha be marus.
O ama chi t’ama e lascha dir chi vou|‚
O ama pür me: chi t’he duno mieu cour.
T’he duno mieu cour e’t dun eir mia persuna,
O ama pür me,: chi me nu t’abanduna.
Me nu t’abandun’infina ala mort,
O marusa chera,: tü est mieu vair cuffort.
Est mieu vair cuffort da cho e da plümatsch,
O marusa chera,: vè no sün mieu bratsch.
O per fer bels pans voul’üna lavandera,
E per fer l’amur: voul que bella tschera.
O per fer bels pans voul’üna platta glischa,
E per fer l’amur: voul que sieu cherischem.
O per fer bels pans voul’ova e savun
E per fer l’amur: voul’la discreziun.
Chi chi voul nuschella, giaj’sü per la ramma,
Chi chi voul la figlia: stu gurbir la mamma.
O schi a la mamma vulains nus bain gurbir,
O schi cun la figlia: ün schottisch vulains ir.
O schi ala mamma, vulains der üna schocha,
O schi cun la figlia,: vulains ir a fer nozza. |