| lyric | 1. Nous razgiagn an en cuntign,
sinsan, sinsan, sinsan,
lagna setga, lagna d’pign,
bôt spert e bôt pi plang.
Ve e no e se e giu,
tot per metter aint igl fi,
Nous razgiagn da bel cuntign,
sinsan, sinsan, sinsan.
2. Nous razgiagn cun grond gatschign,
sinsan, sinsan, sinsan,
laresch, tiev ed et zundrign,
¨bôt lev e bôt pi stagn.
Anavos ed anavant,
tot per render tgod e sitg.
Nous razgiagn cun grond gatschign,
sinsan, sinsan, sinsan.
3. Nous razgiagn faschond razgem,
sinsan, sinsan, sinsan,
e tiragn cun ferm sgriztgem,
bôt gid e bôt pi rac.
Egn anve ed egn anno,
tot per far bagn spert fitto.
Nous razgiagn faschond razgem,
sinsan, sinsan, sinsan. |