| lyric | 1. O prà fluraint i'l god zoppà
bagnà d’aual glüschaint,
o quant sovent hast observà
meis led e meis turmaint.
M’hast vis in temm’ e spranza stand,
ün nom i’l ruver intagliand.
2. La pasch da quist orüvà löet
a mai nu spordscha pasch.
L’amur dal chant sdaisd’ in meis per
be paina e travasch.
E trist l’aual cun sa rumur
meis chant cumpagna da dalur.
3. Tü poust suletta, cour amà,
tour via ma dolur.
O, ’t lascha gnir da mai puchà,
accorda’m ti’ amur.
Regala tü teis cour a mai,
ma vita eu destin a tai. |